第(1/3)节     “仲记唔记得我同你送兴叔走嗰日……”林展权道：“阿嫂同信少离开之后，强哥、你同我入去见埋佢最后一面。他讲咗好多次对唔住，要你原谅；之后仲叫我帮他照顾屋企人，特别係睇住信少。”

    “……记得。”

    “嗰阵时我以为兴叔讲呢啲，一嚟因为阿六嘅事觉得内疚，二嚟想叫我帮信少做大佢堂口……”林展权顿了顿，又道：“但半个月后，阿嫂同我哋讲信少因为兴叔走咗太过伤心，喺佢唔知几时惹到毒瘾，希望几个堂口一齐开会简个新话事人。”

    “之后标爷先点我暂时睇住元朗。”

    阿媚紧紧地攥着拳头，努力克制着自己的声音：“咁……咁都係讲唔通呀，如果佢吸咗成五年，点会无人知？况且字头里面咁多粉档，是但搵间都够佢吸过世，信少点会为少少钱出卖我老公？”

    “他唔係要白粉钱，係要钱去赌。”

    林展权从口袋里掏出一叠簇新的复印出的字据，落款年月不同，但签名都是同样的三个字“邓秉信”。

    阿媚的瞳孔猛然收缩，目光像燃着烈焰般凝固在纸上。

    “十个古惑仔九个赌。和兴胜包括其他‘和字头’一早就有规矩，无论係话事人抑或係坐馆，包括佢哋啲屋企人，都唔可以喺‘和记’个场赌。因为咁样好难追数，仲可能拉其他兄弟落水。”

    “七八年前兴叔隻脚唔掂，之后都係信少帮他睇住啲货船。对比返最早嗰张借据嘅日期，加埋阿明先排过大海chok下扒仔、叠码仔，怕且信少喺六年前就已经喺澳门玩大场，玩亲都係四海会啲贵宾厅。”

    “呢张係五年前，他抵押自己部车。”

    “仲有呢张，押咗兴叔比佢嘅屋。”

    “信少咁嘅身份，普通堂口根本唔敢带他过大海，只会由佢自己玩，更加唔敢借钱比佢。”

    “阿明搵到个叠码仔以前喺香港捞过，知道呢度啲嘢，专搵字头里面啲人做客。信少赌台底用一拖五，输光输净都仲要欠多六百万，后来係通过佢搵到四海会嘅分堂口借大耳窿。六百万，几年前元朗边个堂口嘅坐馆见过咁大笔钱？兴叔应该好早就知道?啦，但佢年纪大又死要面，边会抓开块面同我哋做细嘅讲自己个仔过大海输成八百万。”

    “钱，兴叔一定有帮他还，但边还到咁多。叠码仔讲过，四年前佢哋夹硬要阿信少押咗间屋，但最后对方无啦啦销咗笔数，换係你看得怪唔怪吖？而喺一个几月之后，阿六同佢几个兄弟就比人伏……兴叔查极都唔知边个。”

    阿媚苦涩道：“四海会同潮州商会有关？”

    林展权略一点头，道：“无错，嗰个厅主同潮州商会个副会长算係半个连襟。”

    阿媚仰头看着墨色的天，让泪水在眼眶里静止：“仲查到啲咩？”

    话间，外面传来汽车的引擎声，阿明很快拿着钥匙出现在门口。见到阿媚的神情，他微微一怔。

    “权哥、媚姐。”

    林展权见了他，询道：“啲嘢搞掂？”

    阿明如释重负般呼出一口气：“嗯。”

    林展权对他点点头，开口道：“之前我叫你查啲嘢，讲比阿媚知。”

    阿明闻言看了看阿媚，终是低头避开她的眼神：“媚姐，我……”

    阿媚的头仍然仰着，隐忍道：“……无事，你照讲。”

    阿明清了清嗓子，寥寥数言交代一桩疑事。

    厦村堂口在数月前与潮义安的泥围堂口起过冲突，双方多次爆发械斗，互有死伤。其间，坐馆丧强打听到对方坐馆的临时住地，意欲向林展权借二十人将其围砍，不料潮义安却早作防备。若非阿明等人在岸边开船接应，丧强与堂口一众兄弟绝不止身上那点轻伤而已。

    “泥围啲人係就係唔够厦村揪得，但硬係阴返丧强转头。佢以为係自己黑仔，但权哥都係叫我查下係咪有二五仔。呢次本应係喺二号码头接应，得丧强同几条友知道，后来耀仔过咗去泥围昅住先，先发现附近一早伏咗潮义安班扑街，其他几个码头都无。权哥叫我哋提早揸另一架船过去，又带多两支枪，先打走班扑街。”

    “耀仔摸过佢哋底，有一个成日同信少私下联络。我昅咗成个月，佢哋真係同潮州帮有来往。”

    阿媚双手抱臂，静静地看着林展权。半晌，她开口道：“权哥，你想点，我听。”

    林展饮了口茶，道：“做二五仔，按规矩係要喺刑堂斩手斩脚，三刀六洞。但信少再扑街都係兴叔个仔，佢出卖兄弟嘅事扬出去，成个元朗堂口都无晒面，阿嫂佢一个女人仔以后都唔知点。”

    “佢啲扑街事，阿嫂已经知道，亦知道佢比字头发现嘅话就係咁先。所以她嚟求我，睇在兴叔面应承一句，送佢个女阿芬出国读书，再等信少帮邓家留个后。呢啲我都应承咗，宜家信少条女同阿嫂住埋一齐，互相有个照应。”

    “阿媚，兴叔对你唔错，所以我唔想你亲自郁手。头先阿明已经送信少上路，等搞掂晒啲事，叫埋阿六以
第(1/3)节